ललितपुरको खुमलटारमा रहेको खुमलटार आदर्श समाजले टोल सुधारका कार्यहरूमा सक्रियता देखाउँदै आएको छ । समाजले हरेक महिनाको १० गते टोलमा बिग्रिएका बिजुली बत्तीहरू जडान गर्दै आइरहेको छ ।
टोलमा रहेका सडक बत्तीहरू बिग्रिदा उत्पन्न भएका समस्यालाई समाधान गर्न समाजले महत्वपूर्ण भूमिका निर्वाह गर्दै आइरहेको छ । यसले राति हिँडडुल गर्न समस्या भइरहेको थियो । समाजले स्वयंसेवकहरूको सहयोगमा ती बत्तीहरूको मर्मत र जडान गरी टोललाई उज्यालो बनाउँदै आएको छ ।
बिजुली बत्तीको जडानसँगै समाजले नियमित सरसफाइको काम पनि सुरु गरेको छ । साप्ताहिक रूपमा टोलका मुख्य सडक र गल्लीहरूको सफाई गर्दै आएको समाजको यो पहलले स्थानीयवासीहरूमा खुसी ल्याएको छ ।
समाजले आगामी दिनहरूमा कुकुर व्यवस्थापनदेखि अन्य सामाजिक कार्यहरू गर्ने योजना बनाएको जानकारी दिएको छ । समाजको यस्तो सक्रियताले अन्य टोलका समाजहरूलाई पनि प्रेरणा दिएको छ । यस्ता सामुदायिक पहलहरूले मात्र स्थानीय समस्याहरूको दिगो समाधान हुन सक्ने विश्वास लिइएको छ । ।
