‘स्वच्छ र समृद्ध ललितपुर हाम्रो प्रतिवद्धता, हरेक शनिबार बिहान लागौं २ घण्टा’ भन्ने नाराका साथ सञ्चालित ललितपुर चक्रपथ महानगर सफाइ अभियानको २७४ औं सप्ताहको कार्यक्रम सफलतापूर्वक सम्पन्न भएको छ । यो कार्यक्रम ललितपुर महानगरपालिका–१५ चापागाउँ दोबाटोदेखि युलेन्स स्कुलसम्म सरसफाई गर्दै सम्पन्न भएको हो ।
यो अभियानले हरेक शनिबार बिहान २ घण्टाको समय छुट्याएर नागरिकहरूलाई सामुदायिक सफाइमा सहभागी बनाउने पहल गर्दै आएको छ । यो अभियान ५ वर्षभन्दा बढी समयदेखि निरन्तर चलिरहेको छ ।
आजको कार्यक्रमअन्तर्गत ललितपुरको चापागाउँ दोबाटोदेखि टुटेपानी हुँदै युलेन्स स्कुलसम्मको मुख्य सडकको दायाँबायाँको क्षेत्रमा व्यापक सरसफाई कार्यक्रम सञ्चालन गरिएको थियो । यो क्षेत्र ललितपुर चक्रपथको महत्वपूर्ण भाग हो जहाँ दैनिक हजारौं मानिसहरूको आवतजावत हुन्छ । यस अभियानको सबैभन्दा उल्लेखनीय पक्ष भनेको सामुदायिक सहभागिता र निजी क्षेत्रको सक्रिय साझेदारी हो । सङ्कलन गरिएका फोहोरहरूको वैज्ञानिक व्यवस्थापनका लागि
नेप्सेम्याक सेवा प्रालि, सिर्जनसिप सेवा प्रालि, नेप्को सेवा प्रालि र नेपाल फुलबारी सेवा प्रालि लगायतका संस्थाहरुले सहयोग गर्दै आइरहेका छन् ।
२७४ सप्ताहको निरन्तर यात्राले ललितपुर महानगरमा निम्नलिखित सकारात्मक परिवर्तनहरू ल्याएको छ । सार्वजनिक स्थानहरूमा फोहोरको मात्रा घट्दै गएको, सडक किनारका हरियाली र सौन्दर्यमा वृद्धि हुँदै आएको र वायु प्रदूषणमा केही मात्रामा कमी आएको लगायतका सकारात्मक परिवर्तन देखिन थालेका छन् ।
यो अभियानले सामुदायिक प्रतिवद्धता, निरन्तरता र सबैको सहभागिताले कुनै पनि सपना साकार पार्न सकिन्छ भन्ने विषयलाई उजागर गरेको छ । ‘स्वच्छ नेपाल, सुन्दर नेपाल’ को राष्ट्रिय सपनालाई साकार पार्न यो अभियानले महत्वपूर्ण योगदान पु¥याउदै आएको छ ।
